Kemm qed jinkiteb fuq il-Festi! Min ifahhar u min imaqdar; min iridhom mod u min jixtieqhom mod iehor; min isejhilhom fanatizmu jew idolatrija u min jarahom jiem ta' ferh u ghaqda.

Ghaliex dawn id-differenzi kollha? Ghax mhux il-festi kollha huma celebrati bl-istess mod. Nammettu li f'certi festi jispikkaw il-pika u l-partiti, f'ohrajn tinhass il-popolarita' tal-baned jew il-kwantita' ta' loghob tan-nar...tassew li m'ghandniex niggeneralizzaw billi naghtu gudizzju wiehed fuq il-festi kollha.

Ejjew ninsew lil kulhadd u nsemmu l-Festa tal-Madonna ta' Lourdes f'Rahal Gdid. Bla tlaqliq nghid li jiena nqis din il-festa bhala 'grazzja'. Iva! Il-festa hija grazzja ghall-parrocca taghna. Dan ma jfissirx li m'ghandniex difetti. Jekk nirragunaw hekk inkunu fanatici. Imma jfisser li l-festa lilna toffrilna hafna cansijiet biex nikbru fl-imhabba lejn Alla u lejn xulxin. Ghalhekk bil-liberta' kollha lill-festa nsejjhulha grazzja.

Ic-centru tal-festa taghna hija l-Vergni Marija ta' Lourdes. U min, aktar mill-Madonna, jista' jghinna nsiru nsara ahjar? Fil-jiem tal-Festa ahna nitolbuha aktar mis-soltu, ahna nisimghu dwarha u nfahhruha hafna. Kemm inkun inhossni kuntent meta nara l-knisja taghna bin-nies ghall-funzjonijiet li jsiru! Jekk inti li qed taqra, mhux is-soltu tieghek li tigi l-Knisja, ibda ilqa' din il-grazzja u hu sehem maghna inti wkoll.

Jiena nqisha wkoll bhala grazzja ohra li tant nies jahdmu, jirsistu u jghinu biex kulhadd igawdi festa sabiha. Dak li naghmlu ghal haddiehor, ghandu valur kbir quddiem Alla. Ta' kull sena fil-festa nwettqu programm li jferrah, li jaghti ghajnuna f'waqtha u li johloq okkazzjonijiet li jghaqqduna u jferrhuna.

Ghalhekk inhoss li ghandi naghmel appell mill-qalb lil kull min jifforma parti mill-parrocca taghna biex jiehu sehem fil-Grazzja tal-Festa. Stedina li nixtieqha tasal ghand dawk li gew joqghodu fil-parrocca taghna u ghadhom ma ntegrawx bizzejjed u li nixtieqha tasal ukoll ghand min is-soltu jgerger, jikkritika u jmaqdar.

Nixtieq lil kulhadd Festa Grazzja!

Dun Christopher Galea.